Во калифорниското градле Кармел покрај Море, питорескно американско градче сериозно го сфаќа прашањето на носењето високи потпетици.
Колку и да звучи, неверојатно, ова правило е навистина реалност. Имено, ако вашите потпетици се повисоки од пет сантиметри, технички не смеете да ги носите на јавни површини – освен ако не набавите официјална дозвола од градското собрание.
Иако можеби се чини како обид на моден назор, законот всушност нема никаква врска со естетиката. Правилото постои од 1963 година, а причината е во -корењата на дрвјата. Градчето е дом на големи чемпреси и борови Монтереј, чии силни коренски мрежи во текот на децениите ги имаат поткренато плочниците, создавајќи бројни нерамнини и пукнатини.
Во такви услови носењето високи потпетици и нестабилни потпетици станува ризик, а потенцијалните повреди лесно можат да завршат со тужби против градот. За правилно да се заштита, градските власти донеле единствено решение: на луѓето им е дозволено да носат потпетици – но само ако потпишат изјава со која се одрекуваат од правата за тужба во случај на повреда. Таа изјава доаѓа во облик на дозвола, пишува Хиндустан тајмс.
Верувале или не, многу посетители навистина доаѓаат во градското собрание по оваа дозвола – понекогаш само од забава. Документот е бесплатен, персонализиран со вашето име и потпишан од страна на слубежник. Туристите често го чуваат како необичен сувенир, а неретко и го објавуваат на социјалните мрежи.
Интересно е што ова правило всушност се спроведува во пракса. Полицијата нема да ги запре минувачите ниту ќе бара „дозвола за носење потпетици“. Меѓутоа, ако се сопнете или паднете носејќи високи потпетици кои не ги задоволуваат условите и се обидете да го тужите градот, ќе добиете љубезен потсетник – требало да си побарате дозвола.
Со други зборови, можете слободно да се движите низ градот носејќи високи потпетици, ама ако се повредите, вината ќе биде само ваша.
View this post on Instagram
