Ноќ на ужас: Руските сили го гаѓаа Киев, ракети погодија станбени згради, има многу жртви/ВИДЕО

Во ноќта на 28 август, руските трупи масовно го нападнаа Киев со беспилотни летала, како и со крстосувачки и балистички ракети, изјави шефот на воената администрација на Киев, Тимур Ткаченко.

Како резултат на нападот, осум лица беа убиени, меѓу кои и 14-годишно девојче. Исто така, најмалку 24 жители на украинскиот главен град се повредени, меѓу кои пет деца на возраст од 7 до 17 години, објавува „The Moscow Times“. Ткаченко појасни дека ова не се конечни податоци – нападите доведоа до уништување на станбени згради, а под урнатините сè уште има луѓе.

The British Council Building in Kyiv has been destroyed by a russian missile. It’s regularly full of British government officials

russia is at war with the entire west.

If you live in the UK and think Putin wants peace then it’s time to grow up pic.twitter.com/G3m9PRuDTw

— Caolan (@CaolanReports) August 28, 2025

Во областа Дарницки, ракета погоди петкатна станбена зграда и го урна целиот влез, изјави шефот на Министерството за внатрешни работи на Украина, Игор Клименко.

Според него, спасувачите имаат информации за присуство на уште најмалку три лица под урнатините на зградата.

The moment of the Russian missile strike on a house in Kyiv. https://t.co/E4n5q0coNB pic.twitter.com/mqFOuDX03i

— Serhii Sternenko ✙ (@sternenko) August 28, 2025

Дваесеткатна станбена зграда е оштетена во областа Дњепарк. Исто така, дронот удрил во дворот до деветкатната зграда, по што се запалиле автомобилите на паркингот.

Исто така, во ноќта на 28 август, руската армија го нападнала Виничкиот регион, каде што била нападната критична инфраструктура.

„Како резултат на нападот врз енергетските објекти, 60.000 потрошувачи во 29 населени места се без електрична енергија. Има штета на станбените згради“, напиша на Телеграм Наталија Заболотна, прв заменик-началник на Регионалната воена администрација.