Најтрофејниот македонски ракометен клуб Вардар потпиша двегодишен договор со талентираниот хрватски репрезентативец Леон Љевар, кој доаѓа во Скопје веќе од следната сезона.
Љевар (24), роден во Ријека, е висок 198 см. и настапува на позицијата лев бек. Доаѓа од словенечкиот клуб Слован каде што оваа сезона остави силен впечаток со одлични игри во Европската лига – постигнувајќи дури 44 гола и истакнувајќи се како еден од најзначајните стрелци на својот тим.
Покрај клубските успеси, Љевар е и член на хрватската репрезентација, каде што неодамна имаше силни настапи и ги привлече вниманието на ракометната јавност низ Европа. Поради мала повреда мораше да го пропушти ЕП во Данска, Шведска и Норвешка иако беше на списокот на хрватскиот селектор, Исланѓанецот Дагур Сигурдсон.
„Големо задоволство и чест ми е што потпишав за Вардар. Сите знаеме каква историја има Вардар и ми е драго што имам можност да бидам дел од таков клуб. Се радувам на играњето во Вардар и се надевам дека ќе помогнам на тимот да ги оствари сите поставени цели, изјави Љевар.
„Цевено – црните“ соопштија и дека укринаскиот бомбардер Дмитро Хориха, ги одбил понудите од бундеслигашот Фуксе Берлин и унгарскиот гигант Веспрем, што значи дека до крајот на сезоната останува во „црвено – црниот“ дрес.
