Ниту еден од обвинетите за „Пулс“ не се чувствува виновен

Ниту еден од обвинетите за пожарот во дискотеката „Пулс“ во Кочани во кој загинаа 63 лица, а над 200 беа повредени, не се чувствува виновен за делата кои им се ставаат на товар.

Првообвинетиот Дејан Јованов, на прашањето на судот дали го разбира обвинението, изјави дека му е јасно за што се товари, а на дополнителното прашање дали се чувствува виновен за делата што му се ставаат на товар, тој одговори дека не се чувствува виновен. Михаил Јованов, неговиот син исто така изјави дека не се чувствува виновен за обвиненијата што му се ставаат на товар.

На денешното рочиште во судницата во Идризово, дел од нив изразија сочувство и изјавија дека го разбираат обвинението, но, сепак, не признаа вина за „тешки дела против општата сигурност“.

Во ќелијата на обвинет за „Пулс“ пронајдени 13 мобилни телефони и лаптоп