Ниту дождот не го гасне пожарот на Дрисла – чадењето продолжува

Долгоочекуваниот дожд што од ноќеска паѓа во скопската котлина не помага значително во гаснењето на пожарот на депонијата Дрисла.

Директорот на Дирекцијата за заштита и спасување, Стојанче Ангелов, утрово информира дека секој ден се фрлаат тони вода, но чадењето продолува.

Тој најави дека ќе се преземат дополнителни мерки за конечно да се прекине горењето, кое деновиве сериозно го влошува квалитетот на воздухот во главниот град.

Еколошка бомба во Скопје – запалените депонии го претворија градот во отровна комора

Инаку, синоќа Ангелов информираше дека поради ветрот кој дуваше од депонијата Дрисла во насока на Скопје во делови од градот се чувствуваше силен непријатен мирис.