Решавањето на украинскиот конфликт нема да се покрене од мртва точка без да се сретнеме со рускиот претседател Владимир Путин, изјави американскиот лидер Доналд Трамп.
„Ништо нема да се случи додека не се сретнеме со Путин. Очигледно, тој планирал да оди, мислејќи дека и јас ќе бидам таму. Но, ако јас не сум таму, ни тој нема да оди“, им рече Трамп на новинарите во „Ер Форс Уан“.
Одговарајќи на прашање за руската делегација на преговорите во Турција, тој нагласи дека не е разочаран од нивото на руската делегација.
Трамп додаде дека конфликтот треба да се реши што е можно поскоро.
„Премногу луѓе умираат“, заклучи американскиот претседател.
Денес, 15 мај, во Истанбул се одржуваат првите директни преговори меѓу Русија и Украина во последните три години. Руската делегација ја предводи помошникот на рускиот претседател, Владимир Медински.
