Екс директорот Клиниката за радиотерапија и онкологија, д-р Нино Васев, и организацискиот директор Нехат Нухи ќе одат во затворски притвор од 30 дена, одлучи Апелациониот суд Скопје.
Обвинителството бараше ефективен притвор за Васев, додека неговата одбрана – да се брани од слобода. -Степенот на сомневање е висок, а се работи за сериозни кривични дела. Единствена соодветна мерка е ефективен притвор – истакна обвинителката Фатиме Фетаи и додаде дека има реална опасност Васев да избега, имајќи ги предвид тежината на делата и висината на можната казна.
Обвинетиот, пред Судот, побара фер судење и рече дека досега соработувал со сите институции.
– Се појавив пред анкетната комисија, дадов искази во истрагата, не сум се обидел да избегам. Барам да се бранам од слобода – изјави Васев пред Судот.
Во случајот „Онкологија“, Основното јавно обвинителство поднесе две обвиненија против двајца поранешни директори и четворица лекари онколози. Нино Васев е обвинет за злоупотреба на службената положба, измама во службата и за проневера во службата, со што, според Обвинителството, е оштетен државниот буџет за над 2,2 милијарди денари.
ИЗДВОЕНИ
Инцидентот во кочанскиот Совет навестува каква кампања ќе гледаме: Дали пцостите, навредите, пресметките и шишињата по глава ќе ги заменат предизборните ветувања?
Пресврт на самиот крај, имал ли Палевски соучесник во криењето на клучниот доказ- пиштолот со кои се убиени жртвите?
Пензионерите тријат раце, ќе има ново покачување, но не се знае колкаво ќе биде
Како да ја запреме инфлацијата кога дивеат цените на нафтата и на гасот?
