Кошаркарот на Денвер, Србинот Никола Јокиќ, игра во врвна форма во најсилната лига во светот, поради што многумина се импресионирани од неговите последни партии. Но, има и такви што не ја гледаат магијата што ја прави тој на теренот. Еден од нив е Џон Вол. Колку и да го фали, тој, сепак, тврди дека Јокиќ игра лесно, додека другите играчи се мачат.
Јокиќ, во просек, постигнува по 28,7 поени (што е негов втор најдобар резултат во кариерата), 13 скока и 10,8 асистенции на натпревар. Последните два фактори се негови најдобри резултати во кариерата, а шутира 67,2 проценти од поле, како и 42,6 проценти за три поени, исто така најдобри резултати. Сето тоа укажува на фактот дека ја игра најдобрата сезона во својата кариера.
Сепак, и покрај нереалните бројки, Никола изгледа како да се шегува на теренот. Неговиот лабав стил на игра добива сè поголеми критики од познавачите на кошарката, а овој пат за тоа јавно проговори Џон Вол.
- Тој не се брои. Тој прави сè што прави на теренот да изгледа толку лесно, како да не го интересира кошарката. Тоа е фрустрирачкиот дел од сè. Имате играчи што вложуваат многу труд, а тој само лебди – изјави Вол во емисијата „Run it Back“.
