Ник Кирјос му заби „нож во грб“ на Новак Ѓоковиќ

Со своите 24 гренд слем титули, Новак Ѓоковиќ сè уште суверено го држи првото место во историјата на тенисот, и сè уште го брка 25-от трофеј, што би му обезбедило апсолутен рекорд во овој спорт.

Иако некогаш се чинеше дека никој не може да и се приближи на „големата тројка“ – Ѓоковиќ, Федерер и Надал, подемот на Карлос Алкараз и Јаник Синер во последните две сезони покрена нови прашања. Наместо да се дискутира кој е најголем на сите времиња, сè повеќе се дискутира дали младиот Шпанец и Италијанец можат да ги достигнат височините на претходната генерација.

Австралиецот Ник Кирјос, познат по своите директни и честопати провокативни изјави, го даде својот суд во емисијата „Unscripted“. Без двоумење, тој рече дека верува оти Алкараз еден ден ќе го престигне Ѓоковиќ и ќе ја преземе неговата доминација.

„Тој е неверојатен тенисер, како неговиот удар да е од друга планета, тој е еден од најдобрите напаѓачи на сите времиња. Алкараз немаат слабости. За да го победиме, нивото на тенисот мора да биде натчовечко“, рече големиот пријател на Новак.