Незгоден момент во Брисел: Вучиќ пред камерите, откри дека добил порака од Москва, фон дер Лајен го прекина/ВИДЕО

Александар Вучиќ ја презентираше идејата за заеднички влез во ЕУ на сите земји-кандидатки од Западен Балкан во среда вечерта во Брисел.

По работниот состанок, следеше официјална фотосесија со претседателката на Европската комисија, Урсула фон дер Лајен, и претседателот на Европскиот совет, Антонио Кошта. Додека одеа кон подиумот, камерите случајно фатија еден незгоден момент.

The mic is always hot. Serbia’s president Vucic last night «I got a message from Moscow now…» von der Leyen aware of cameras «Let’s…let’s wait till we are…» pic.twitter.com/YoDuGOF44R

— Maria Tadeo (@mariatad) December 11, 2025

Веројатно несвесен дека околу него има микрофони, Вучиќ се обиде да ѝ каже на Урсула фон дер Лајен дека „сега има порака од Москва“, а таа веднаш го прекина:
„Да почекаме додека не…“, рече таа, но не ја заврши реченицата. Очигледно сакаше разговорот да продолжи без камерите.

Во тој момент, Антонио Кошта не знаеше каде да застане, па претседателот на Комисијата му вели:

„Мој пријателе“, и му покажува каде да застане.

Која порака донел Вучиќ од Москва веројатно дознале дури на вечерата која ги чекаше.