Незапамтено невреме ја парализира Романија: 200 илјади домаќинства останаа без струја

Голем број домаќинства, околу 200.000, останаа без електрична енергија вчера, откако обилните снежни врнежи и дожд ја погодија Романија.

Невремето предизвика и големи проблеми во сообраќајот. Патиштата беа блокирани, а десетици возови доцнеа, изјави министерот за енергетика Богдан Иван, пренесува Ројтерс.

Јавниот превоз беше отежнат во главниот град Букурешт, кој беше покриен со околу 40 сантиметри снег.

Паднатите дрвја го прекинаа патниот и железничкиот сообраќај, а училиштата беа затворени во неколку градови.

Националната агенција за реагирање во вонредни ситуации објави дека дури десет амбулантни возила биле заглавени во снегот во шест општини.

– Од 200.000 погодени домаќинства, снабдувањето со електрична енергија е обновено за околу 86.000. Проблеми се регистрирани во 266 градови – продолжи Иван.

Due to heavy snow last night, expect delays & cancellations at Bucharest OTP airport today, February 18. So far:

Dan Air 508 Dublin – Bucharest will land in Craiova
Qatar Airways 219 from Doha will land in Athens
TK has cancelled flights 1043/1044 IST-OTP-IST@flightradar24 pic.twitter.com/ccmAYpj7ZO

— Aeronews (@AeronewsGlobal) February 18, 2026

Министерот додаде дека просечната потрошувачка на електрична енергија во Романија изнесува 7,4 GW, а вишокот произведен во ветерните и хидроелектраните е извезен.

Тој, исто така, изјави дека производството се зголемило за 11 проценти, а потрошувачката за 6 проценти, во споредба со претходната година.