Незапамтен хорор, најмалку 39 мртви во стампедо на политички митинг во Индија

Најмалку 39 лица загинаа, а повеќе од 50 се повредени во стампедо на собир во чест на популарен актер и политичар во Индија.

Министерот за здравство во јужната индиска држава Тамил Наду, Ма Субраманијан, изјави за Асошиејтед Прес доцна во саботата дека жртвите, меѓу кои и осум деца, биле мртви кога ги донеле во болница. Повредените се во стабилна состојба, додаде тој.

Тамилскиот актер Виџај, кој се кандидира на изборите, се обрати на собир, изјави главниот министер на Тамил Наду, МК Сталин. Голем број луѓе се собраа на митингот како дел од турнејата на Виџај низ државата Тамил Наду, а властите проценуваат дека имало повеќе од 50.000 луѓе на мала област, објавува Индија Тудеј.

Thirty people died in a stampede at actor Vijay’s rally in Karur, Tamil Nadu. Om Shanti to the departed souls 🙏

Three children also died. Please avoid taking children into huge crowds anywhere in India. pic.twitter.com/hqxcMTDosS

— Desi king (@DesiKing_) September 27, 2025

Луѓето почнаа да се онесвестуваат на преполниот митинг, а толпа луѓе почнаа да бегаат во паника додека популарниот актер кој стана политичар држеше говор.
Виџај води кампања пред државните избори што треба да се одржат на почетокот на следната година.

Неколку часа по инцидентот, Виџај објави соопштение на социјалните мрежи во кое изразува тага, но не презема одговорност за инцидентот, наведува индискиот портал.

„Срцето ми е скршено. Изразувам најдлабоко сочувство до семејствата на моите сакани браќа и сестри кои ги загубија животите во Карур. Се молам за брзо закрепнување на оние кои се на лекување во болница“, напиша Виџај во објава на X.

„Инцидентот за време на политички митинг во Карур, Тамил Наду, е длабоко тажен“, напиша индискиот премиер Нарендра Моди на платформата X.