Невремето направи хаос во Србија/ВИДЕО

Обилните дождови, кои беа претходно најавени, го погодија поголемиот дел од Србија, а еден од најтешко погодените градови е Петровац на Млавa, каде што водата ги прелева улиците.

Поради обилните дождови низ Србија, бројни населби се соочуваат со поплави и отежнат сообраќај. Граѓаните на социјалните мрежи сè повеќе го истакнуваат долгогодишниот проблем со прелевање на отпадните води за време на обилните дождови.

 

View this post on Instagram

 

A post shared by Kragujevčani (@kragujevcani.rs)

Во белградската населба Миријево се регистрирани прелевања на отпадни води, додека водата ги поплави и улиците на Александровац. Слични проблеми се доживуваат и во населбата Шумски рај во Крагуевац, каде што обилните дождови предизвикаа поплави. Патот е покриен со кал, па сообраќајот е забавен, а на возачите им се препорачува да бидат дополнително внимателни.

 

View this post on Instagram

 

A post shared by Uticajtv (@uticaj.tv)

Во Краљево, големи количини вода се насобрале на улиците, што уште повеќе го отежнува возењето, а слична е и состојбата во околните места каде обилните дождови предизвикуваат проблеми за жителите и учесниците во сообраќајот.

 

View this post on Instagram

 

A post shared by 192.RS (@192_rs)

Ни Чачак не беше поштеден од невремето. Силни ветрови и обилни дождови брзо го поплавија градскиот плоштад и шеталиштето.

 

View this post on Instagram

 

A post shared by Kragujevčani (@kragujevcani.rs)

Републичкиот хидрометеоролошки завод на Србија (РХМЗ) издаде неколку предупредувања поради неповолни временски услови. Според нивните прогнози, во текот на вечерта се очекува умерено до целосно облачно време, со дожд на места, а на истокот од земјата се можни грмотевици, силен ветер и обилни врнежи од дожд.

Сепак, се очекува наредните денови да бидат претежно сончеви со повремена облачност и краткотрајни врнежи од дожд, според најновите извештаи од РХМЗ.