Околку 200 килограми цреши од врвна сорта во вредност од приближно милион јени (околу 6.900 евра) се украдени од овоштарник на североистокот на Јапонија, соопшти полицијата на префектрурата Јамагата.
Од 67 стебла цреши во овоштарник во Каминојама, во префектурата Јамагата, според наводите на полицијата, само стеблата од популарната сорта „сато нишики“ кои биле околу 50, се целосно обрани, пренесува „Кјодо“.
Сопственикот на овоштарникот го забележал грабежот во неделата околу пет часот изутрината, а полицијата ја повикал подоцна истото попладне.
Изјавил дека не забележал ништо кога последен пат ги проверувал стеблата во петокот околу попладне.
Префектурата Јамагата е најголем производител на цреши во Јапонија, но минатата година е забележана рекордно лоша берба поради ектремните горештини.
Ова овошје обично се подарува и често се служи во врвни ресторани.
