Неверојатно! Што правеа руските авиони над Полска додека НАТО соборуваше дронови

Ноќта помеѓу 9 и 10 септември, во раните утрински часови, руски беспилотни летала повеќепати влегуваа во полскиот воздушен простор. Полска, заедно со сојузниците на НАТО, ја елиминираше заканата од беспилотни летала што долетаа од Украина.

Додека полските и сојузничките воздухопловни сили беа во вонредна состојба, беа објавени информации за привремено затворање на четири аеродроми во Полска: Жешов, Лублин, Варшавски Океќе и Варшавски Модлин.

Но, токму во тоа време, најмалку два цивилни авиони од Москва прелетаа над Полска!

Ова го објавија интернет корисниците во неколку Фејсбук групи кои го следат Flightradar24, апликација што The Guardian ја оцени како реномирана услуга за следење на летови.

На Flightradar24, по 7 часот наутро, над Полска можеше да се види авион „Пегасус“ што леташе од Москва до Истанбул, а претходно, помеѓу 3:25 и 4 часот наутро, за време на воена операција и привремено прекинување на патничкиот сообраќај во делови од Полска, „Ербас“ прелета над источните и централните делови на земјата, упатувајќи се кон аеродромот Шарм ел-Шеик.

„Би сакал да ве известам дека опишаниот авион не нарушил никаква воена зона во полскиот воздушен простор за време на летот“, одговори Марчин Хадај, портпарол на Полската агенција за воздушна навигација, објави полскиот портал „Виртуелна Полска“.

Порталот наведува дека овие авиони не им припаѓале на руски авиокомпании; летовите ги вршеле, меѓу другите, египетски и турски туристички агенции, но по руската агресија врз Украина на 24 февруари 2022 година, летовите од Москва, вклучително и оној до Шарм ел-Шеик, повеќе не летаат директно над Полска. Оваа рута ја заобиколува полската територија поради моменталната политичка ситуација. Патниците сега користат поврзувачки летови.