Неверојатно е што бара Спортинг сега за Џокереш

Арсенал беше на еден чекор од потпишување на Виктор Џокереш пред помалку од 72 часа, но работите повторно се искомплицираа и челниците на лондонскиот клуб не беа во можност да го завршат договорот откако отпатуваа во Португалија.

Битката на Арсенал за доведување на напаѓач трае веќе долго време. На почетокот имаше желба да се купи Бенџамин Шешко, а потоа прв избор стана шведскиот репрезентативец, но работите не одат глатко, иако Арсенал и Спортинг од Лисабон начелно се договориле.

Арсенал понуди фиксна отштета од 65 мил. евра и бонуси од 15 мил. евра, што вкупно е 80 милиони, колку што бара португалскиот гигант, но „Лавовите“ бараат фиксниот дел да биде 70 милиони, па проблемот е околу пет милиони евра и ништо не се променило веќе два дена.

Трансферот е одложен, но Спортинг сè уште верува дека очајните „топџии“ ќе ги задоволат сите барања бидејќи едноставно треба да го организираат доаѓањето на напаѓачот што е можно поскоро, за да може да се качи на авион за турнеја низ Азија и подобро да ги запознае своите нови соиграчи пред почетокот на новата сезона.

Се очекува Џокереш да заработува четири пати поголема плата од онаа што ја заработува во Лисабон. Тој е подготвен за овој голем чекор во кариерата, а претходно изјави дека нема намера да се врати на тренинзите на Спортинг и дека е целосно фокусиран на новите предизвици.

Се очекува раководството на Спортинг и Арсенал повторно да се состане во петок, со што долгоочекуваниот трансфер конечно ќе се реализира.

Џокереш имаше сезона од соништата и беше на радарот на многу тимови, но во моментов се чини дека Лондон е неговата ветена дестинација.

Швеѓанецот пристигна во Спортинг во 2023 година од Ковентри во трансфер кој во тоа време чинеше 24 милиони евра. Оваа сезона, тој постигна 54 гола и додаде 13 асистенции во 52 настапи во сите натпреварувања.