Неверојатната одлука што Јамал ја донесе на само 18 години

Ламин Јамал е еден од најдобрите фудбалери во светот и станува сè попопуларен од ден на ден. Младиот Шпанец со мароканско потекло веќе ги поместува границите на она што се смета за можно за тинејџер во врвниот фудбал.

Јамал потекнува од познатата Ла Масија, младинската академија на Барселона, каде што пораснаа Меси, Чави, Иниеста и многу други. Неговиот талент беше очигледен уште од самиот почеток, го доби прекарот новиот Меси, иако самиот тој постојано повторуваше дека не сака никакви споредби.

На само 15 години, тој го имаше своето деби за првиот тим на Барселона во април 2023 година против Бетис, станувајќи најмладиот играч што некогаш играл за клубот во Ла Лига. Тој исто така стана и најмладиот стартер и стрелец во историјата на шпанската репрезентација.

Јамал стана клучен играч за Барселона и беше блиску до освојување на „Златната топка“ кратко по полнолетството, но големата награда му ја „украде“ Осман Дембеле од ПСЖ.

На само 18 години, Јамал е опфатен од сите светски медиуми, иако е се повеќе вклучен и во љубовни врски, што ги загрижува Каталонците. Сега тој донесе уште една интересна одлука.

Имено, тој одлучи повеќе да не потпишува автограми, што беше случај досега. Всушност, според „Мундо Депортиво“, Јамал добил понуда од компанија која продава автентични автограми од познати личности и решил да ја прифати.

Значи, секој што сака да има дрес или шал потпишан од Ламине Јамал повеќе нема да може да добие автограм бесплатно, директно од самиот фудбалер, туку ќе мора да го купи потпишаниот предмет директно, за дополнителна цена.

Секако, оваа одлука на Јамал нема да помине добро кај навивачите, но очигледно е дека играчот сака да заработи што е можно повеќе, иако веќе заработува многу пари од договорот со Каталонците.

Неговиот нов договор, со важност до 2031 година, му донесе и значително зголемување на платата, покрај легендарниот број 10, кој во минатото го носеле имиња како Лео Меси и Роналдињо.

„Форбс“ неодамна состави листа на најплатени играчи на крајот од сезоната 2025/2026, а Јамал, и покрај тоа што има само 18 години, е рангиран на 10-то место со заработка од 37 милиони евра.

Јамал се мачи со повреди оваа сезона, но сепак успеа да постигне два гола и да обезбеди четири асистенции во пет настапи за својот матичен клуб. Неговата пазарна вредност се проценува на неверојатни 200 милиони евра.