Шокантни вести доаѓаат од Соединетите Американски Држави. Куршум бил испукан во канцеларијата на тренерот на Канзас Сити Чифс, Енди Рид. Оваа вест била криена повеќе од една година, а сега е објавено што точно се случило.
Во мај 2024 година, куршум бил испукан во канцеларијата на познатиот тренер, поминувајќи само неколку метри покрај него, објави порталот „МСН“.
Се наведува дека Енди Рид бил на приближно 4,5 метри од куршумот што долетал во тој момент. Инаку, Рид бил сам во канцеларијата во тој момент, а сè се случило на полноќ.
Куршумот го пробил стаклото и оставил дупка низ прозорецот и ролетните. Се заглавил во ѕидот помеѓу тоалетот и влезната врата од неговата канцеларија. После тоа, уште два куршума ја погодиле зградата, едниот на третиот кат, а другиот во надворешната климатизација. Тимот поставил непробојно стакло кратко потоа.
Малкумина знаеле за ова и сè било криено повеќе од една година. Инцидентот се случи само неколку месеци откако Рид ги предводеше Чифс до шампионската титула во Супербоул и нивната трета титула во пет години.
