Израелскиот премиер Бенјамин Нетанјаху разговараше со американскиот претседател Доналд Трамп за новите планови на Израел за офанзива во Газа, соопшти кабинетот на израелскиот премиер во понеделник.
Двајцата претставници разговараа за плановите на Израел да ја преземе контролата врз преостанатите упоришта на Хамас во Газа со цел да се стави крај на војната со ослободување на заложници и пораз на Хамас, соопшти кабинетот на Нетанјаху, пренесува Ројтерс.
Нетанјаху на прес-конференција претходно денес повтори дека целта на израелската војска е да го елиминира Хамас и да ја преземе „безбедносната контрола“ врз Појасот Газа, вклучително и воспоставување „безбедносна зона“ на границата со енклавата.
Тој ги истакна „петте принципи за завршување на војната“, вклучувајќи разоружување на Хамас, ослободување на израелски затвореници, демилитаризација на Појасот Газа, воспоставување безбедносна контрола врз енклавата и воспоставување неизраелска мировна цивилна администрација, објави Ал Џезира.
Ако сакаат да живеат тука до нас, мора да престанат да бараат наше уништување, а да им се даде независна држава со сите придружни практики значи да се покани идна војна и сигурна војна. Ова е нешто на што израелската јавност денес остро се спротивставува, рече премиерот на Израел.