Нетанјаху покажа мапа и најави ново уништување: “Ќе ја довршиме работата во Газа“

Израелскиот премиер Бенјамин Нетанјаху денес изјави дека Израел нема друг избор освен да „ја заврши работата“ и да го порази Хамас, со оглед на одбивањето на палестинската група да го положи оружјето, објави Ројтерс.

На прес-конференција, за која рече дека имала за цел „да ги разоткрие лагите“ за војната во Газа, Нетанјаху рече дека неговите нови офанзивни планови за Газа имаат за цел да се справат со двете преостанати упоришта на Хамас.

Зборувајќи за воениот план одобрен од израелскиот кабинет за безбедност во петокот, тој рече дека Израел сака да ја „ослободи Газа“, а не да ја окупира, и го нарече планот „најдобар начин“ за завршување на војната, пренесе Би-Би-Си.

#AHORA | 🇮🇱 Netanyahu declara que la invasión terrestre israelí de Gaza es "la mejor manera de poner fin a la guerra"
Vía @disclosetv@ReporteYa pic.twitter.com/j7R8cTlPxz

— Por la calle del Medio (@plcdelmedionews) August 10, 2025

Тој изложи план во три чекори за зголемување на помошта за Газа, вклучително и одредување безбедни коридори за дистрибуција на хуманитарна помош.

Кога беше прашан за временската рамка кога сака да го заврши проширувањето на новата офанзива, тој рече дека операциите ќе се случат „прилично брзо“ и дека прво ќе бидат воспоставени безбедни зони.

Одговарајќи на прашање за коментарите на американскиот претседател Доналд Трамп за гладот во Газа, Нетанјаху рече дека ја цени поддршката на претседателот. Тој додаде дека Трамп рекол дека заложниците треба да бидат ослободени и дека Хамас не треба да биде во Газа.

Нетанјаху го обвинува Хамас за грабеж на залихите и вели дека Хамас ја создал кризата со помошта, повторно отфрлајќи ги тврдењата дека Израел има „политика на гладување“ во Газа.

Хамас постојано ги негира тврдењата дека краде залихи наменети за цивили. Неодамнешна внатрешна анализа на американската влада не пронајде докази за системска кражба на хуманитарни залихи, објавија неодамна Ројтерс и Си-Ен-Ен.