Нетанјаху најави жесток удар на Газа: “Предупредени сте, излезете оттаму!“

Израелскиот премиер Бенјамин Нетанјаху го повика населението на градот Газа да замине, најавувајќи голема копнена операција, објави РИА Новости.

Зборувајќи во бункер во седиштето на воздухопловните сили, тој рече дека израелските сили во последните денови урнале 50 облакодери во Газа, кои наводно ги користело палестинското движење Хамас.

„Сето ова е само вовед во главната голема операција – копнен маневар на нашите сили, кои сега се организираат и влегуваат во градот Газа. Им велам на жителите на Газа: Слушајте внимателно: Предупредени сте, излезете оттаму!“, рече Нетанјаху.

Во понеделник наутро, израелскиот министер за одбрана Израел Кац се закани дека ќе ја уништи Газа доколку Хамас не го положи оружјето.

Во последните месеци, Израел ја заостри блокадата на Појасот Газа, спречувајќи ја испораката на основна храна и лекови. Ова веќе доведе до смртни случаи кај населението од неухранетост. Кон крајот на август, Организацијата за храна и земјоделство на ОН за прв пат прогласи состојба на катастрофален глад во Појасот Газа. Канцеларијата на Нетанјаху го нарече извештајот на ОН „целосна лага“, велејќи дека Израел не ги изгладнува Палестинците во Газа, туку го спречува тоа.

Пред ова, ОН само двапати ја потврди максималната фаза на глад: во 2017 година во Јужен Судан и во 2011 година во Сомалија.