Израелскиот премиер Бенјамин Нетанјаху го повика папата Лав во петокот, соопшти Ватикан, еден ден откако во израелскиот напад врз единствената католичка црква во Газа загинаа три лица, а неколку други беа ранети.
За време на разговорот, израелскиот премиер Бенјамин Нетанјаху изрази длабоко жалење поради трагичниот инцидент во кој залутана муниција ја погоди католичката црква „Свето семејство“ во Газа. Во телефонски разговор со папата Лав XIV, Нетанјаху изрази сочувство до семејствата на жртвите и нагласи дека инцидентот се случил ненамерно.
„Израел ја признава грешката“, се наведува во соопштението од кабинетот на израелскиот премиер.
папата го повтори својот апел за прекин на огнот и крај на војната во Газа и изрази загриженост за „драматичната“ хуманитарна ситуација во палестинската енклава, се вели во соопштението на Ватикан.
Папата Лав, исто така, ја нагласи и итната потреба од заштита на местата за богослужба, верниците и сите луѓе на палестинските територии и во Израел, се додава во соопштението, објави Ројтерс.
