Во забавниот парк во Инѓија во недела, 8 јуни, се случила несреќа кога девојче (13) паднало од своето седиште на средина од возењето. Паднало од висина од околу четири метри, а граѓаните тврдат дека ги предупредиле сопственикот и вработените дека уредот е неисправен, пишува српски „Блиц“.
„Таа седна токму на неисправното седиште и одеднаш се лизна и падна. Проблемот не беше дека машината заглавила, туку девојчето испадна од седиштето. Го откопча безбедносниот појас, а потоа синиот ограничувач се крена и таа се лизна“, тврди млад човек кој е вработен во овој забавен парк.
Министерството за внатрешни работи денес објави дека се сомнева дека тројца мажи, на импровизиран паркинг на улицата Дунавска во Инѓија, управувале со вртелешката без пропишаните безбедносни мерки. Девојчето се здобило со тешка повреда, фрактура на клучната коска.
Еден од осомничените е сопственик на уредот, додека другите двајца се негови вработени.
