Очигледно е дека во редовите на Реал Мадрид нешто смрди. И доаѓањето на Чаби Алонсо на клупата на мадриѓани не е сјајно во соблекувалната, а за тоа најдобро говори неговата одлука да направи целосна реконструкција на тимот.
По заминувањата на Лука Модриќ, Лукас Васкез и Хесус Ваљехо, на списокот на заминувања се додадени уште неколку имиња. Веќе е познато дека првото од големите имиња што ќе си замине е Родриго, кој немаше многу минутажа на Светското клупско првенство, а Чаби веќе стави до знаење дека не му е потребен, па сега шпанските медиуми објавија дека уште неколку играчи се на пат да си заминат од тимот.
Имено, Чаби Алонсо закажал состанок на 4 август со пет играчи каде што ќе им каже дека дефинитивно не смета на нив во следната сезона, пишува „Диарио ас“. Покрај Родриго, на овој список се и Ферлан Менди, Давид Алаба, Дани Себаљос и младиот Бразилец Ендрик. Како што пишуваат Шпанците, Реал сигурно сака да ги продаде Родриго, Алаба и Менди, а конечната одлука во врска со Себаљос и Ендрик треба да биде позната по договорениот состанок.
Очигледно, најголемиот проблем е Давид Алаба, кој одбива да го раскине договорот, а Реал годишно троши 22,5 милиони евра за неговата плата, што е една од причините зошто Чаби сака да се ослободи од него. Сепак, засега, најблиску до трансфер е Бразилецот Родриго, кого многу европски гиганти би сакале да го доведат во своите редови, а најголем интерес покажа Арсенал, но засега без официјална потврда. Сè е дополнително искомплицирано со Винисиус, кој бара плата како Мбапе, и би можел да го напушти Мадрид ова или следното лето ако не ги намали своите критериуми.
„Кралевите“ многу ја зајакнаа својата одбрана. Пристигнаа Трент Александар-Арнолд, Дин Хујисен и Алваро Карерас, а исто така потпиша и младиот перспективен напаѓач, Франко Мастантуон.
Шпанското првенство започнува на 19 август кога Реал ќе ја пречека Осасуна.
