Ненси Пелоси го напушта Конгресот – Трамп: „Таа е зла жена, со нејзиното заминување ѝ прави услуга на Америка“/ВИДЕО

Од страна на
Вечер
-
36
EPA/YURI GRIPAS / POOL

Претседателот на Соединетите Американски Држави, Доналд Трамп, ја нарече Ненси Пелоси зла жена која ѝ направила услуга на земјата со тоа што се пензионирала.

Ненси Пелоси, 85, го објави своето пензионирање од Конгресот, со што заврши децениска кариера која вклучуваше горчливи битки со Трамп.

Таа потврди во видео порака во четврток наутро дека ќе се повлече на крајот од нејзиниот тековен мандат во 2027 година, кога повеќе нема да го претставува Сан Франциско во Конгресот.

– Мило ми е што се пензионира, рече Трамп.

– Мислам дека таа ѝ направи голема услуга на земјата со пензионирањето. Мислам дека таа беше огромна пречка за земјата. Мислев дека е лоша жена која лошо си ја заврши работата, која ѝ нанесе многу штета на земјата – и финансиски и во однос на нејзиниот углед. Мислев дека е ужасна, додаде американскиот претседател.

Пелосис беше една од најмоќните личности во американската политика и една од најжестоките критичари на Трамп, а нивните конфликти беа добро познати додека таа го водеше Претставничкиот дом во последните години од неговиот прв мандат.

Таа претседаваше со двата импичменти на Трамп – првиот во 2019 година по обвинение за злоупотреба на моќ, а вториот во 2021 година откако поддржувачите на Трамп го нападнаа Капитол на 6 јануари.

Таа исто така не присуствуваше на неговата инаугурација во јануари оваа година, а неодамна го нарече „одвратно суштество“.

„Најлошото нешто на Земјата, но во ред“, рече Пелоси. Кога беше запрашана да објасни зошто го опишала на тој начин, таа рече дека Трамп „не го почитува Уставот“.

Трамп, исто така, редовно ја напаѓаше, особено за време на неговата претседателска кампања во 2024 година, нарекувајќи ја корумпирана, зла и болна личност.

ИЗДВОЕНИ

ПОВРЗАНИ ОБЈАВИПОВЕЌЕ ОД АВТОРОТ