Претседателот на САД, Доналд Трамп, изјави дека Северноатлантската алијанса треба сериозно да размисли за исфрлање на Шпанија поради недоволните издвојувања за одбраната.
Трамп потсети дека во јуни членките на НАТО, предводени од САД, се согласија значително да ги зголемат воените трошоци на најмалку 5% од бруто домашниот производ. Овој потег беше во согласност со неговите барања европските сојузници да преземат поголем товар за сопствената безбедност.
Но, шпанскиот премиер Педро Санчез тогаш одби да се обврзе на тој процент, нарекувајќи го „несовладлив со нашата социјална држава и визија за светот“.
На средба во Овалната соба со финскиот претседател Александер Стуб, лидерот на најновата членка на НАТО, Трамп остро ја критикуваше Шпанија.
„Ќе мора да почнете да разговарате со Шпанија,“ рече тој. „Повикајте ги и прашајте ги зошто заостануваат. Искрено, можеби треба да ги исфрлите од НАТО.“
Шпанија е членка на алијансата од 1982 година, а темата за нејзините издвојувања повторно стана актуелна поради засилените безбедносни ризици во Европа по руската инвазија врз Украина во 2022 година — најсмртоносниот копнен конфликт на континентот од Втората светска војна.
ИЗДВОЕНИ
ОРЦЕ ЃОРЃИЕВСКИ, КАНДИДАТ НА КОАЛИЦИЈАТА ПРЕДВОДЕНА ОД ВМРО-ДПМНЕ: Нема да дозволам Скопје да живее со вакви жаришта на загадување (9)
Живее во бегство, поради закани по животот! Која е Марија Корина Мачадо, добитничка на Нобеловата награда за мир за 2025 година?
Град под златна сенка – Ада Тепе го раздвижи Крумовград, а не ја промени природата
Весникот ВЕЧЕР ве носи во Астана – срцето на Евроазија, град на мирот!
