Неконтролирано невреме направи хаос во дел од Европа: Соборени дрвја, прекини на електричната енергија, откажани летови…

Невремето што погоди делови од Европа предизвика откажувања на летови и соборени дрвја, но досега не се пријавени поголеми штети. Пожарникарите во неколку европски земји работат на помош во санирање на штетите, пренесе „Хина“.

Во главниот град на Белгија, Брисел, досега имало околу 90 интервенции во пожари, главно поради паднати дрвја или скршени гранки, објави денес белгиската новинска агенција Белга, додавајќи дека бројни слични интервенции се извршени и во други делови од земјата, а евидентирана е и материјална штета.

🚨🌪️ STORM AMY WREAKS HAVOC ACROSS 🇬🇧UK, SETS OCTOBER PRESSURE RECORD

Storm Amy battered the UK with winds over 100mph and heavy rain, leaving thousands without power in 🏴󠁧󠁢󠁳󠁣󠁴󠁿Scotland, Northern 🇮🇪Ireland, and Wales.

🔹Railways, ferries, and roads were disrupted, while eight of… pic.twitter.com/ehcQJikGgX

— Info Room (@InfoR00M) October 5, 2025

Во Шкотска и Норвешка, некои домаќинства денес сè уште беа без снабдување со електрична енергија, иако се очекуваше дефектот да биде саниран. Сепак, тоа не се случи поради падот на бројни дрвја што сериозно ги оштетија далноводите.

Како што објави норвешката телевизија НРК, десетици илјади домаќинства на југот и центарот на скандинавската земја сè уште беа без електрична енергија утрово, а бурата предизвика бројни прекини во воздушниот и железничкиот сообраќај.

Во Шкотска, патниците сè уште можат да очекуваат прекини во железничкиот сообраќај, бидејќи продолжуваат работите на поправки на оштетените делови, објавува Британската асоцијација на медиуми. Во Холандија, предупредувањето за бура, кое беше издадено вчера, беше укинато денес. Не се пријавени поголеми штети, но беа пријавени прекини во сообраќајот поради паднати дрвја.

На аеродромот „Схипхол“ во Амстердам, каде што вчера беа откажани околу 150 дојдовни и појдовни летови, ситуацијата во најголем дел се врати во нормала. Сепак, денес беа откажани десет летови како мерка на претпазливост. Портпаролот на авиокомпанијата KLM изјави дека се очекува така да остане.