Неимар се враќа во Европа и тоа кај лутиот ривал на поранешниот клуб

Бразилската суперѕвезда Неимар има 33 години и сè уште не го кажал својот последен збор во фудбалот, иако повредите значително го уназадија во последните сезони.

Со заминувањето во Сантос, многумина се сомневаа дека се ближи крајот на неговата кариера, но според новите информации, тој не мисли така.

Според француските медиуми, Неимар сериозно размислува за враќање во Европа, поточно во земјата на „Галските петли“ каде што со години го носеше дресот на Пари Сен Жермен.

Сега, лутиот ривал на неговиот поранешен клуб, Олимпик Марсеј, е заинтересиран за неговите услуги и веќе започна преговори за комплетирање на трансферот.

Воопшто нема да биде лесно, но најпознатиот француски портпарол верува дека би можеле да го убедат Неимар да се врати во една од „петте најдобри лиги“, бидејќи самиот тој има желба сè уште да игра фудбал на највисоко ниво.

Олимпик подготвува сериозен план финансиски да го поддржи доаѓањето на Бразилецот, чиј договор со Сантос истекува на крајот од годината. Тој беше во Лига 1 од 2017 до 2023 година и ја освои пет пати.

За ПСЖ, кој на Барселона ѝ плати 222 милиони евра за него, тој одигра вкупно 173 натпревари и постигна 118 гола со 79 асистенции.