Земјотрес со јачина од 4,6 степени нешто пред 13 часот денеска го потресе Неапол и околината.
Според извештајот на италијанската сеизмолошка служба, потресот е регистриран во 12:47 часто, и бил најсилен потрес од 13 март оваа година, кога јачината беше 4,4 степени.
Епицентарот на денешниот бил во море, пред градот Баколи, на длабочина од 4,9 километри, но се почувствувал и во Неапол.
Засега нема информации за материјална штета.
Потресот од 4,6 степени е најсилен земјотрес во оваа област забележана во последните 40 години.
