Не помислувајте да нарачате безалкохолно: Само во една европска земја, алкохолните пијалаци се значително поевтини од просекот во ЕУ

Безалкохолните пијалаци во Германија се малку поскапи, додека алкохолните пијалаци се значително поевтини од просекот во Европската Унија, објави „Дестатис“ во понеделник.

Имено, виното, жестоките пијалаци и пивото се со цена од 86 проценти од европскиот просек, соопштија статистичарите по повод „Сув јануари“, месец во кој повеќе луѓе се откажуваат од алкохол, пренесе „дпа“.

Само во Италија, можете да најдете алкохолни пијалаци поевтино отколку во Германија.

На спротивниот крај е Финска, каде што потрошувачите плаќаат 210 проценти од европскиот просек за алкохол. Следат Данска со 123 и Белгија со 113 проценти.

Безалкохолните пијалаци се најскапи во Латвија, 46 проценти над европскиот просек. Ова се должи на данокот на шеќер.

Во Германија, безалкохолните пијалаци се два проценти над просекот на ЕУ, а најевтините се повторно во Италија.

Според најновите достапни податоци од Светската здравствена организација (СЗО), Германците консумираат релативно многу алкохол: во 2022 година, просечниот граѓанин над 15 години пиел 11,2 литри чист алкохол.

Во пиво, тоа се 448 кригли од половина литар. Сепак, една деценија порано, Германците пиеле еден литар повеќе алкохол годишно.

Според податоците од 2022 година, Романците пиеле најмногу чист алкохол, 17,1 литри, пред Латвија, 14,7 и Чешка, 13,7 литри.

Грците пиеле најмалку, по седум литри, по нив Малтежаните, 6,3 и Кипарците, 5,2 литри.