Обединетото Кралство денес изјави дека тврдењето на Русија дека Украина сака да се здобие со нуклеарно оружје со помош на Велика Британија и Франција е неосновано.
„Ова е јасен обид на рускиот претседател Владимир Путин да го одвлече вниманието од неговите гнасни постапки во Украина. Нема вистина во ова. Ги слушнавте зборовите на премиерот на Велика Британија, Кир Стармер, утрово во кои тој оддаде почит на неверојатната отпорност на украинскиот народ. Ќе продолжиме со нашите напори за обезбедување праведен и траен мир“, изјави портпарол на британската влада, пренесува „Скај њуз“.
Коментарот од официјален Лондон доаѓа откако руската Служба за надворешно разузнавање (СВР) ги обвини Велика Британија и Франција дека планираат да му обезбедат на Киев нуклеарни бомби или „валкана бомба“ со нуклеарно оружје.
Портпаролот на Кремљ, Дмитриј Песков, денес изјави дека информациите на СВР дека Лондон и Париз се подготвуваат да го вооружат Киев со нуклеарно оружје се исклучително важни со оглед на заканата што тие ја претставуваат за режимот за неширење на нуклеарно оружје и ќе влијаат на преговорите за Украина.
Рускиот претседателски помошник Јуриј Ушаков, исто така, денес изјави дека Русија е свесна за плановите на Франција и Велика Британија да ја снабдат Украина со нуклеарно оружје или технологија за производство на такво оружје, додавајќи дека тоа ќе влијае на ставот на Русија за решавање на украинскиот конфликт, пренесува „Танјуг“.
ИЗДВОЕНИ
Во складиште на „Грин лајф“, една од шесте фирми на кои им е одземена лиценцата за производство, е запленет еден тон марихуана
ФИЛКОВ: Не може притворот да е правило за обични луѓе, но не и за Груби!
Правдата за Груби го огруби правосудството!?
Помалку продажба во кеш без фискални ако се подигне прагот на ДДВ?!
