Навивачите на Барсе побараа веднаш да биде продаден

Каталонскиот клуб си ги отежна работите во Лигата на шампионите со поразот од Челзи, бидејќи сега е речиси невозможна мисија за каталонскиот гигант директно да се квалификува во осминафиналето.

На три кола до крајот, Барса е на 15-то место и ќе и треба чудо за да заврши меѓу осумте најдобри екипи и на тој начин да го избегне играњето во плејофот.

Иако беше познато дека во Лондон нè очекува многу возбудлив натпревар, малкумина очекуваа дека „сините“ ќе го победат шампионот на Шпанија на толку доминантен начин.

Домаќинот го одигра можеби најдобриот натпревар во актуелната сезона, а по дуелот навивачите на Барселона ги исмеваа своите играчи на социјалните мрежи, а убедливо најкритикуван беше дефанзивецот Роналд Араухо, кој доби црвен картон во финишот од првото полувреме.

Не е прв пат Уругваецот да го остави својот тим на цедило на овој начин, и затоа навивачите на Барса им велат на клупските челници дека е време да го продадат веќе во јануари и дека повеќе не заслужува да игра во дресот на Блауграна.

„Араухо никогаш повеќе не смее да игра за Барселона“, „Ова е премногу. Овој играч секогаш нè чини, па затоа нема смисла. Продадете го сега“, „Не сум толку лут што изгубивме како што сум за Араухо. Се надевам дека никогаш повеќе нема да игра за мојот клуб“.

„Роналд Араухо никогаш не бил добар дефанзивец. Се надевам дека ова е неговиот последен натпревар во Лигата на шампионите за Барселона“, „Нема шанси повторно да го бранам овој човек, најдобро би било ако го напушти клубот на зима. Доста“, се само дел од коментарите на навивачите на Барселона.

Дефанзивецот стана само четвртиот играч во историјата што добил црвен картон во првото полувреме на два натпревари од Лигата на шампионите.

Араухо го направи тоа за прв пат пред неколку години во натпревар против ПСЖ додека Барселона се бореше за полуфиналето на Лигата на шампионите, а токму по црвениот картон на Араухо во првото полувреме сè се сруши како кула од карти за Каталонците.

Истото се случи и во Лондон, поради што оние што го бранеа Араухо ги загубија нервите, а сега и тие бараат клубот да го продаде при првата можност.