НАТО ги подигна борбените авиони! Москва испрати шпионски авион – снимен одблизу

Германските воздухопловни авиони „Еурофајтер“ пресретнале руски шпионски авион во петок наутро, дознава германскиот весник „Билд“.

Авионот „Иљушин Ил-20М“, со регистрациски број RF-95979, полетал од Калининград без сигнал од транспондер и без поднесен план за лет и се движел кон запад.

Рускиот авион веќе бил детектиран од радарските системи на НАТО во 9:02 часот наутро по германско време. Летал без радио контакт од руската енклава Калининград, упатувајќи се директно кон меѓународниот воздушен простор во близина на Полска и Германија.

Во 9:16 часот наутро, НАТО го извести тимот за брза реакција на Бундесверот во име на Алијансата. Само 16 минути подоцна, во 9:32 часот наутро, два „Еурофајтер“ полетаа од воздухопловната база Лаге во близина на Росток.

Дури и откако германските авиони се приближија кон него, рускиот авион не свртел, пренесе Дневник.хр. Рускиот авион првично продолжил да лета кон запад, менувајќи го курсот кон север само околу 40 километри од Узедом. Затоа, немаше нарушување на германскиот воздушен простор. Сепак, маневрот може да се смета за јасна провокација и тест за западниот воен сојуз.

Според воени извори, ова е деветта операција од ваков вид во 2025 година. Руските извидувачки авиони „Ил-20М“ неколку пати полетувале од Калининград за да собираат информации за воените активности на земјите од НАТО долж балтичкиот брег – особено во Полска, Германија, Данска и Шведска.