Независниот синдикат за образование и наука најави протест за зголемување на платите, кој ќе се одржи в среда, на 28 јануари 2026 година, со почеток во 17:00 часот пред зградата на Сојузот на синдикатите на Македонија (ССМ).
Причината за протестот е системско непочитување на колективните договори и исплата на плата која е значително под републичкиот просек. Дополнително, синдикатот ги критикува редовните доцнења во исплатата на платите, кои, според законските прописи, треба да се исплатат најдоцна до 10-ти во месецот.
– Доста е игнорирање! Се гледаме во среда, пред ССМ, во 17:00 часот! – порачуваат од Независниот синдикат за образование и наука.
Протестот има за цел да го поттикне почитувањето на законските рокови и колективните договори, како и да ја подобри финансиската положба на вработените во образовниот сектор.
И гранковите синдикати кои се дел од Сојузот на Синдикати на Македонија повикуваат на протест за поголеми плати на 28 јануари во Скопје.
ИЗДВОЕНИ
Анализа по отчетниот конгрес на СДСМ: „Армија на вредности“ или партија во распад?
Превозниците од Македонија и од регионот утре напладне ќе ги блокираат граничните премини поради Шенген-правилата
ЖИВОТНИ ПАТОКАЗИ, ЗОРАН КРСТЕВСКИ: Опасна ситуација
Тошковски: „Безбеден град“ го развиваме со единствена цел – зголемување на безбедноста во сообраќајот
