Рекордниот лет, кој ќе трае неверојатни 29 часа и ќе помине 12.200 милји, ќе биде во сообраќа од оваа зима. „Чајна Истерн ерлајнс“ се подготвува да го понуди најдолгиот директен лет во светот, поврзувајќи го Шангај, Кина, со Буенос Аирес, Аргентина, со кратка пауза во Окленд, Нов Зеланд, пишува „Мирор“.
На искусните патници не им се непознати долгите летови што можат да траат до 16 часа, како што е линијата Сингапур-Њујорк на „Сингапур ерлајнс“. Сепак, новата линија Кина-Аргентина е на пат да ги сруши сите рекорди.
Поаѓајќи од Шангај, патниците ќе стигнат до својата дестинација за нешто помалку од 26 часа, откако ќе прелетаат неверојатни 12.229 милји. Тоа вклучува и престој од два и пол часа во Нов Зеланд.
И покрај престојот, летот сè уште се смета за директен бидејќи патниците нема да мора да се преместуват и можат да ги задржат своите места во текот на целото патување.
Повратното патување ќе трае неверојатни 29 часа, со престој во Окленд. Цените на еднонасочните билети се движат од околу 1.280 фунти за лет од Шангај до Буенос Аирес, до над 1.400 фунти за повратен лет од Буенос Аирес до Шангај, иако извештаите се разликуваат.
Новата рута го надминува претходниот рекордер за најдолг директен лет во светот, рутата Пекинг-Сао Паоло, управувана од China Airlines.
За оние кои се љубопитни за тоа каков тип авион би бил најсоодветен за такво епско патување, се смета дека авион на долги релации како што е Boeing 777-300ER би бил најсоодветен.
Билетите се веќе во продажба за летовите што почнуваат од 4 декември. Нудејќи седишта во прва, бизнис и економска класа, летовите ќе се одвиваат двапати неделно: во понеделник и четврток од Кина и во вторник и петок од Аргентина.
