Наскоро ќе си имаме сите по еден робот, тврди Маск!

Најбогатиот човек во светот, Илон Маск, изјави дека роботите и вештачката интелигенција (ВИ) наскоро ќе можат да ги задоволат сите човечки потреби. Тој предвидува дека ќе има повеќе роботи отколку луѓе и дека речиси секој човек ќе има или ќе сака да има еден.

„Во одреден момент, дури и нема да знаете што да побарате од роботот. Ќе има толку изобилство на стоки и услуги“, рече Маск во разговор со Лари Финк на Светскиот економски форум во Давос.

Запрашан за целта на човечкиот живот во такво сценарио, Маск рече дека иако целосното изобилство можеби не е реално, тој е оптимист. „Мислам дека секој ќе има хуманоиден робот. Кој не би сакал робот што се грижи за децата, домашните миленици или постари родители?“ додаде тој.

Elon Musk’s closing remarks at the World Economic Forum in Davos: “I would encourage everyone to be optimistic and excited about the future, and generally I think for quality of life, it’s better to err on the side of being an optimist and wrong rather than a pessimist and right” pic.twitter.com/ni9gfrYxH0

— Sir Doge of the Coin ⚔️ (@dogeofficialceo) January 22, 2026

Маск нагласи дека целта на SpaceX е да го шири животот и свеста надвор од Земјата, на Месечината, Марс и други ѕвездени системи.

„Животот каков што го знаеме е кревок и кршлив, и важно е да се направи мултипланетарен, за да може да преживее во случај на катастрофа на Земјата“, рече тој.

Кога го прашале за вонземјани, Маск рекол дека луѓето често му го поставуваат тоа прашање, а тој одговара: „Јас сум еден од нив“. Тој исто така истакнал дека SpaceX никогаш не морал да избегнува вонземски брод меѓу своите 9.000 сателити.

Зборувајќи за стареењето, Маск верува дека ќе биде можно да се запре откако ќе се открие причината.

„Сите клетки стареат со речиси иста брзина, што значи дека постои некаков механизам за синхронизација во телото“, објаснил тој.

Додал дека смртта има своја цел бидејќи бесконечниот живот може да доведе до стагнација на општеството. Сепак, тој верува дека продолжениот животен век ќе стане остварлив.