Русија ќе ги собори крстосувачките ракети „Томахавк“ и ќе ги бомбардира нивните места за лансирање доколку САД одлучат да ги испорачаат во Украина, изјави во среда високиот руски пратеник Андреј Картополов.
Претседателот на САД, Доналд Трамп, во понеделник изјави дека би сакал да знае што планира Украина да прави со ракетите „Томахавк“ пред да се согласи да ги испорача, бидејќи не сака војната меѓу Русија и Украина да ескалира.
„Нашиот одговор ќе биде остар, измерен и асиметричен. Ќе најдеме начини да им наштетиме на оние што ни предизвикуваат проблеми“, рече Картаполов, шеф на Комитетот за одбрана во рускиот парламент, за РИА Новости, пренесува Гардијан.
Картаполов, поранешен заменик-министер за одбрана, рече дека не мисли дека ракетите „Томахавк“ ќе променат нешто на бојното поле дури и ако бидат испорачани во Украина, бидејќи ќе бидат испорачани во мали количини.
Картаполов, исто така, рече дека Москва досега не видела знаци дека Украина подготвува лансирни рампи за „Томахавк“, нешто што Киев не можеше да го скрие.
Ако и кога тоа ќе се случи, рече Картаполов, Русија ќе користи беспилотни летала и ракети за да ги уништи сите платформи за лансирање.
