Најмалку четири лица, од кои три се деца, беа повредени во рускиот напад со дрон врз Одеса во текот на ноќта, соопштија денес регионалните власти, велејќи дека станбените згради и инфраструктурата се оштетени.
„Нападот со беспилотни летала беше насочен кон станбени згради, логистика и енергетска инфраструктура“, изјави регионалниот гувернер на Одеса, Олег Кипер, во порака на „Телеграм“.
Воените власти во регионот соопштија дека меѓу повредените се седуммесечно бебе, две други деца и 42-годишен маж, објави „Ројтерс“.
Фотографиите од местото на настанот покажуваат чад што се издига од повеќекатна станбена зграда.
Големото црноморско пристаниште Одеса е цел на повторени руски напади со беспилотни летала и ракети, кои ја уништуваат енергетската, транспортната и пристанишната инфраструктура на градот, како и станбените области, пренесе „Фонет“.
ИЗДВОЕНИ
Јасновидецот и психолошки терапевт Борис Чавковски открива каква година ќе биде 2026: Влегуваме во позитивен период на промени!
Пресуда за случајот „Затвор Скопје“: Поранешниот директор на затворот во Шуто Оризари Филип Андов е осуден на осум месеци затвор
Дрска кражба на злато во дуќан во ГТЦ
Нови правила за извоз во ЕУ: Колку ќе чини јаглеродот?
