Замислете дека патувате низ Европа, се упатувате кон границата меѓу две земји, кривулестиот пат станува сè полош и полош и одеднаш започнува прашлив макадамски пат. Околу една од кривините, доаѓате до стар дрвен мост кој изгледа како едвај да ја издржи тежината на пешаците.
Овој мост е граничен премин и ќе го преминете со автомобил, но е и пат што го користат многу потешки автобуси полни со луѓе. Звучи како приказна од другата страна на светот, од некоја неразвиена земја, но таков премин постои и веќе неколку пати е наречен еден од најопасните во Европа, ако не според статистиката, тогаш барем според чувството што го имаат патниците додека го преминуваат. Тоа е граничниот премин Шќепан Поље меѓу Босна и Херцеговина и Црна Гора, а мостот го преминува кањонот на реката Тара, според „Путни кофер“.
Граничниот премин Шќепан Поље има лоша репутација со години, а повеќето луѓе кои ја познаваат ситуацијата го избегнуваат по секоја цена, дури и ако тоа значи дека треба да возат километри до обиколница.
Дотрашниот мост направен од скапани дрвени штици и ‘рѓосани метални конструкции стана хит на социјалните мрежи во еден момент.
Mинистерот за комуникации и транспорт на БиХ, Един Форто, објави дека се целосно обезбедени средства за изградба на меѓудржавен мост на реката Тара и повеќе од 15 километри пристапен пат на рутата Сараево-Подгорица преку Шќепан Поље. Како што изјави, почетокот на работата се очекува кон средината на 2026 година.
