Најнови вести од Ватикан: Папата Франциск повеќе не е во животна опасност, но останува во болница

Папата Франциск повеќе не е во непосредна здравствена опасност од воспалението на белите дробови што го задржа во болница речиси еден месец, но ќе остане во болница уште неколку дена, соопштија денеска лекарите во новиот здравствен извештај.

Како што е соопштено, 88-годишниот папа останува стабилен и ги консолидирал подобрувањата од пред неколку дена, што е потврдено со тестовите на крвта и позитивниот одговор на лековите.

Ватикан соопшти дека лекарите ја укинале претходната „умерена“ здравствена прогноза, односно утврдиле дека тој повеќе не е во непосредна животна опасност поради респираторната инфекција со која на 14 февруари беше примен во болница, но остануваат претпазливи.

„Со оглед на сложеноста на клиничката слика и силната инфективна слика при приемот, ќе биде неопходно да се продолжи со фармаколошка медицинска терапија во болнички услови уште неколку дена“, соопшти Ватикан.

Папата продолжил и со физикална и респираторна терапија во болницата „Ѓемели“, а меѓу нив бил и во молитва. Папата користеше назална цевка за дополнителен кислород за да му помогне да дише во текот на денот и неинвазивна механичка вентилациска маска навечер, терапија што продолжува да ја користи и денес.