Најмалку шест лица настрадаа, а повеќе од 400 се повредени во торнадо што ја зафати бразилската држава Парана/видео

Торнадото што зафати делови од општината Рио Бонито до Игуасу, во јужната бразилска држава Парана, уби најмалку шест лица, а повреди повеќе од 400, соопштија денес локалните власти.

Торнадото, кое достигна брзина од над 250 километри на час, уништи десетици домови и ја натера владата да прогласи вонредна состојба во погодениот регион, јавува „АП“.

Државните власти изјавија дека најмалку едно лице е исчезнато, додека меѓу четворицата мртви има пет возрасни и едно 14-годишно девојче.

Владата соопшти дека 437 лица, вклучувајќи деца и бремени жени, добиле медицинска помош во болниците и на лице место. Од нив, најмалку 10 биле оперирани, а девет се во сериозна состојба.

Бразилскиот претседател Луиз Инасио Лула да Силва изрази солидарност со жртвите на социјалните мрежи.

Според Системот за мониторинг на технологијата и животната средина на државата Парана, ветровите во Рио Бонито до Игуасу, град со 14.000 жители, достигнале брзина помеѓу 180 и 250 километри на час. Торнадото, наводно, соборило дрвја, па дури и оштетило ѕидови на куќи.

Гувернерот на Парана, Ратињо Жуниор, во објава на платформата „Икс“ изјави дека „безбедносните сили се во состојба на готовност“ и ја следат ситуацијата во градовите погодени од силните ветрови.

A likely intense to violent tornado struck the city of Rio Bonito do Iguaçu in Paraná, Brazil, causing severe damage to buildings and trees and destroying numerous structures. Damage suggests this tornado may have reached EF4 intensity. pic.twitter.com/TIwIWzaiVD

— Nick Krasznavolgyi (@NickKrasz_Wx) November 7, 2025