Најмалку 11 лица се хоспитализирани по нападот со нож во супермаркет „Волмарт“ во Траверс, Мичиген, соопшти полицијата денес.
Осомничениот за нападот е уапсен, објави „Фокс њуз“.
Шерифот на округот Гранд Траверс, Мајкл Ши, изјави дека 42-годишен маж, кој дејствувал сам, влегол во продавницата во Траверс и користел преклопен нож за да избоде околу десетина луѓе.
Осомничениот, чиј идентитет не е објавен од властите, бил приведен во рок од неколку минути, а граѓани кои се затекнале во маркетот „Волмарт“ помогнале во апсењето на човекот и пружиле помош на жртвите.
Болницата „Мунсон“ соопшти дека пет од жртвите се во сериозна состојба, а шест се во критична состојба, објави „Танјуг“.
