Најконтроверзната врска во Холивуд: Сидни Свини и Скутер Браун фатени на романтична вечера

По повеќемесечни шпекулации, се чини дека актерката Сидни Свини (28) и музичкиот менаџер Скутер Браун (44) решиле да ја потврдат својата врска.

Двојката неодамна беше забележана на вечера во познатиот ресторан „Jon & Vinny’s“ во Лос Анџелес, каде што опуштено вечераа со пријатели. Според фотографиите објавени од TMZ, Свини и Браун биле насмеани и расположени, а додека го напуштале ресторанот, Браун направил џентлменски гест отворајќи ја вратата од автомобилот на актерката.

Ова е првата јавна романса на Сидни откако во март ја раскина свршувачката со долгогодишниот партнер Џонатан Давино. Во тоа време, таа призна дека го променила својот став за своите приоритети и посветувала повеќе време на дружење со пријателите.

Гласините за врската со Скутер се појавија во јуни, кога тие заедно присуствуваа на свадбата на Џеф Безос и Лорен Санчез во Италија.

За потсетување, Скутер Браун е разведен од сопругата Јаел Коен Браун, со која има три деца, од 2021 година. Во јуни, тој во подкаст забележа дека тие остануваат во добри односи и успешно ги одгледуваат своите деца заедно, нагласувајќи дека се обидуваат да се поддржуваат еден со друг и покрај раскинувањето.

Свини беше видена и со актерот Глен Пауел, со кого работеше на филмот „Сите освен тебе“, кратко пред раскинувањето. Сепак, семејството на Пауел во тоа време нагласи дека двајцата биле само пријатели.