Во октомври 2025 година се издадени 446 одобренија за градење, што е за 22,9 % повеќе во однос на тој месец од претходната година, покажуваат податоците на Државниот завод за статистика.
Според издадените одобренија за градење, предвидената вредност на објектите изнесува 10.596.843 илјади денари, што е за 25,1 % повеќе во споредба со октомври лани. Зголемената вредност се должи на фактот дека во референтниот период е издадено одобрение за градба на државниот пат А2, делница Букојчани – Кичево прва фаза, подделница Црвивци – Кичево со должина 6,527 км, кој е со вредност од 44 милиони евра.
Од вкупниот број издадени одобренија за градење, 289 (64,8 %) се наменети за објекти од високоградбата, 68 (15,2 %) за објекти од нискоградбата и 89 ( 20,0 %) за објекти за реконструкција.
Од вкупно 446 објекти, на 247 (55,4 %) како инвеститори се јавуваат физички лица, а на 199 (44,6 %) објекти инвеститори се деловни субјекти.
Во извештајниот период е предвидена изградба на 1.177 стана со вкупна корисна површина од 101.286 м2.
ИЗДВОЕНИ
ТВ24 дојде до извештајот на СДСМ: Виновници за поразот се политичката состојба во државата и притисоците на власта
Анализа по отчетниот конгрес на СДСМ: „Армија на вредности“ или партија во распад?
Превозниците од Македонија и од регионот утре напладне ќе ги блокираат граничните премини поради Шенген-правилата
ЖИВОТНИ ПАТОКАЗИ, ЗОРАН КРСТЕВСКИ: Опасна ситуација
