НАДЕЖ ЗА ПАЦИЕНТИТЕ СО КАРЦИНОМ! Првиот пациент од Србија пристигна во Москва каде што ќе ja прими новата вакцина против рак

Се очекува првиот пациент од Србија кој заболел од малиген меланом да ја прими новоодобрената руска персонализирана вакцина против рак со mRNA во наредните денови, потврди професор д-р Владимир Јаковљевиќ од Факултетот за медицински науки во Крагуевац, додавајќи дека пациентот веќе отпатувал во Москва, пренесуваат српските медиуми.

„Ова е револуционерна, целосно персонализирана вакцина со mRNA која се прави за секој пациент поединечно. Процесот започнува со анализа на примерок од ткиво на тумор, а потоа, со помош на напредни алгоритми за вештачка интелигенција, се генерираат специфични имунолошки цели, кои потоа се инкорпорираат во вакцината“, рече Јаковљевиќ, објави Новости.

Тој додаде дека терапијата вклучува десет дози кои се даваат на секои две недели во текот на пет месеци.

„Целта е силно активирање на имунолошкиот систем за да може ефикасно да ги препознава и уништува малигните клетки“, објасни докторот.

Тој нагласи дека критериумите за пациентите да влезат во програмата се „исклучително строги“.

„Потребно е сите стандардни форми на терапија, вклучително и имунотерапијата, да бидат исполнети за да може лицето да биде кандидат за вакцината“, рече Јаковљевиќ.

Тој исто така рече дека Србија е меѓу првите земји чии пациенти се упатени на оваа терапија, „што претставува важен чекор кон пристап до најновите онколошки третмани во светот“.

Пациентот ќе ги прими првите дози од вакцината во специјализирана клиника во Москва, по што ќе се следи одговорот на телото на терапијата и сите ефекти врз забавувањето или запирањето на растот на туморот.

Кон средината на октомври, руските научници ја презентираа најновата вакцина против рак на српските експерти.

Ова е државен проект кој се спроведува под директно покровителство на рускиот претседател Владимир Путин.

На крајот од минатата недела, руското Министерство за здравство издаде одобренија за клиничка употреба на два индивидуални биотехнолошки лекови против рак – терапевтски вакцини базирани на mRNA и пептидни вакцини.

Рускиот министер за здравство Михаил Мурашко рече дека ова е само почеток на имплементацијата на иновативен пристап во третманот, па затоа научниците сè уште не ја процениле ефикасноста и безбедноста на третманот, пренесува Танјуг.