Германскиот тенисер Александар Зверев реши да направи драстични промени после болната елиминација во првото коло на Вимблдон. Зверев испадна на самиот старт од престижниот турнир во Лондон, што го натера да преземе конкретни чекори кон подобрување на формата. Тенисерот беше забележан во друштво на чичкото на Рафаел Надал, Тони, за кого шпанските медиуми веќе објавија дека може да биде неговиот нов тренер.
Се претпоставува дека Зверев ќе биде под менторство и на Рафаел Надал, со надеж за далеку подобри резултати во иднина. Третиот светски тенисер во моментов има 6310 бодови, скоро дупло помалку од лидерот на АТП листата, Јаник Синер.
