Општина Струга со поддршка на Бирото за регионален развој преку Програмата за развој на подрачја со специфични развојни потреби набави 44 контејнери за селектирање пластика за погранични и ридско-планински села.
– Целта на проектот „Набавка на контејнери за погранични и ридско-планински села во Општина Струга“, е унапредување на системот за управување со отпад и поттикнување на еколошки навики во руралните средини – соопштија од Општина Струга.
Вкупната вредност на проектот изнесува 520.000 денари, од кои, 416.000 денари се обезбедени од Биро за регионален развој и 104.000 денари се кофинансирање од Општина Струга.
– Контејнерите, додаваат, се веќе распределени во пограничните и ридско-планинските села согласно со утврдените потреби на терен. Општина Струга продолжува со активности за подобрување на условите за живот, заштита на животната средина и развој на руралните подрачја, се наведува во соопштението на локалната самоуправа.
ИЗДВОЕНИ
Мицкоски со нов рок: Имињата на новите министри в понеделник, Вреди нема да има министер плус
Предупредување за поплави! УХМР издаде „жолто ниво“ за опасност
Македонските возачки дозволи во Словенија ќе можат да се заменат без полагање на практичен испит
Ексфункционери го „жнееле“ буџетот – државата оштетена за 780.000 евра
