Актерката Сидни Свини се качи на познатиот „Холивуд“ знак и го украси со градници, а целиот потфат може да ја доведе во проблеми со законот.
Инцидентот се случил пред неколку дена, под закрила на ноќта, а бил снимен од продукциски тим, пишува TMZ, кој добил видео на кое се гледа како Сидни Свини се качува на буквата „H“ со неколку градници, кои таа и нејзината екипа потоа ги закачиле на јаже.
Според изворите, снимањето било за промотивно видео за нејзината нова линија долна облека – еден од инвеститорите во проектот е Џеф Безос.
Проблемот настанал затоа што ѕвездата од „Еуфорија“, иако добила дозвола од организацијата FilmLA да го снима знакот, не ѝ било дозволено да го допре или да се качува на него.
Погледнете го видеото:
Холивудската стопанска комора, која е сопственик на знакот, ја известила својата продукциска компанија дека не им е дозволено да го снимаат или користат видеото без претходно одобрение од Комората.
За качувањето и украсувањето на знакот, актерката би можела да се соочи со обвиненија за нелегален влез и вандализам. „За ова не е издадена дозвола, како што е потребно“, изјавил претседателот на Холивудската стопанска комора за TMZ, одбивајќи да коментира дали ќе бидат поднесени полициски пријави.
Повеќето градници биле соблечени по снимањето, но се наведува дека Сидни и нејзиниот тим оставиле четири или пет.
