На името на познатиот американски „Меморијален центар за сценски уметности Џон.Ф.Кенеди“, Трамп си го додаде ѝ своето

Одборот на директори, избран од претседателот Доналд Трамп, денес гласаше дека водечкиот центар за сценски уметности во Вашингтон отсега ќе се нарекува „Меморијален центар за сценски уметности на Доналд Трамп и Џон Ф. Кенеди“, објави Белата куќа, пренесе „Бета“.

Името „Меморијален центар за сценски уметности Џон Ф. Кенеди“ беше назначено од американскиот Конгрес во 1964 година во чест на убиениот претседател кој помогна во финансирањето на почетокот на изградбата, која не беше завршена сè до 1971 година, со дел од неговото семејно богатство.

Претставник за печатот на Белата куќа објави дека Одборот на директори гласал за додавање на името на Трамп на името поради „неверојатната работа што претседателот Трамп ја направи во текот на изминатата година за да ја спаси зградата, не само од гледна точка на реконструкција, туку и финансиски и во однос на нејзиниот углед“.