На Ивица Дачиќ му пристигна коверт со три куршуми/ФОТО

Непознато лице испратило коверт со три куршуми во зградата на Владата на Република Србија, а пликот го адресирало до министерот Ивица Дачиќ.

„Министерството за внатрешни работи ја информира јавноста дека вчера, 28 август 2025 година, за време на редовното сортирање на поштата во зградата на Владата на Република Србија, забележан е коверт адресиран до вицепремиерот и министер за внатрешни работи Ивица Дачиќ“.

За време на безбедносната проверка на пратката на рендгенски апарат, во пликот беа пронајдени три куршуми.

Утврдено е дека наведената пратка е доставена на 26 август 2025 година, во филијалата на Пошта на Србија во Пожаревац.

Полицијата го идентификувала и го лоцирала лицето кое ја доставило пратката, а во тек е понатамошна работа за утврдување на сите околности на инцидентот.

Министерството за внатрешни работи презема сите законски предвидени мерки и дејствија со цел да се заштити безбедноста на граѓаните и институциите на Република Србија.